Ստամբուլում շախմատի համաշխարհային օլիմպիադայի օրերին կայացած ՖԻԴԵ-ի համաժողովը որոշել է աշխարհի 2015 թվականի գավաթը եւ 2016 թվականի համաշխարհային օլիմպիադան անցկացնել Բաքվում:
Հայաստանը, բնականաբար, դեմ է եղել դրան` նախապես հայտարարելով, որ համաշխարհային օլիմպիադայի եռակի եւ աշխարհի թիմային չեմպիոն Հայաստանի շախմատիստները չեն մասնակցի դրանց: Սակայն այս էլ որերորդ անգամ մարզական միջազգային կազմակերպությունները, այս անգամ էլ` ՖԻԴԵ-ն անձնատուր են լինում Ադրբեջանի նավթային դոլարներին (ավելի վաղ Բաքվին ծախվել են ըմբշամարտի` ՖԻԼԱ եւ բռնցքամարտի` ԱԻԲԱ համաշխարհային ֆեդերացիաները):
Ադրբեջանի երիտասարդության եւ սպորտի նախարար Ազադ Ռահիմովը Ստամբուլում համաժողովի մասնակիցներին գայթակղել է հատկապես համաշխարհային օլիմպիադայի անցկացման համար նախատեսվող նավթային դոլարների չափով`նշելով թիվը. մոտավորապես 15 միլիոն եվրո: Եվ որպեսզի խանգարող որեւէ հանգամանք չլինի, ՖԻԴԵ-ին խոստացել է նաեւ 1 միլիոն եվրո կանխավճար: ՖԻԴԵ-ի ղեկավարությանը հրապուրել է նաեւ աշխարհի գավաթի բյուջեն:
Կարդացեք նաև
Աշոտ ՀԱԿՈԲՅԱՆ
