Հերթական շաբաթն ու շոուբիզնեյան անցուդարձի մասին հերթական նորությունները:
«Երիտասարդ նկարչուհի Լիանա Բատորին հրաժարվել է իր հունգարական կեղծանունից: Այս քայլին նրան դրդել է Հունգարիայում ցմահ ազատազրկման դատապարտված Ռամիլ Սաֆարովին այդ երկրի իշխանության կողմից Ադրբեջանին հանձնելու փաստը», – գրել է Bravo.am-ը, նկարիչների միության պատվավոր եւ Աշխարհի հայ նկարիչների միության անդամ նկարչուհին Բատորի կեղծանունը վերցրել է 16-րդ դարի հունգարացի կոմսուհի Էրժեբետ Բատորիի անունից: Իր եւ կոմսուհու միջեւ կապը Լիանան տեսել է այն ժամանակ, երբ նկարներից մեկը ստեղծելիս ջրաներկի կամ յուղաներկի փոխարեն օգտագործել է մարդու արյուն: «Մարդկային արյուն է, երիտասարդ տղայի… Այս նկարն իրենից ներկայացնում է կյանք եւ սեր, շատ մեծ, բայց մարած սեր»,- 2010-ին տեղի ունեցած անհատական ցուցահանդեսի ժամանակ ասել էր Լիանան:
Սեպտեմբերի 27-ին եւ 28-ին Ելենա Վորոբեյը շոու-ծրագրով հանդես կգա Գաբրիել Սունդուկյանի անվան ազգային ակադեմիական թատրոնում: Bravo.am-ը գրել է՝ «Աստղային վրաերթ» / «Звездный наезд» / խորագրով համերգային շոուի ընթացքում Վորոբեյը կներկայացնի ռուսական էստրադայի աստղերի (Ալլա Պուգաչովա, Մաշա Ռասպուտինա եւ ուրիշներ) պարոդիաները եւ երգիծական-հումորային բնույթի մանրապատումներ: Երեկոյի ամբողջ ընթացքում հնչելու է էստրադային ռիթմիկ եւ հանրածանոթ երաժշտություն»:
Հանրային դեմքերի անձնական կյանքի փոփխություններն ակնհայտ են հատկապես վերջին շրջանում: Ամուսնացել է օլիմպիական խաղերի փոխչեմպիոն Արսեն Ջուլֆալակյան, վերջինիս ընտրյալի անունը Հերմինե է: Զույգն այժմ մեղրամիսի է մեկնել Եվրոպական մի քանի երկրներում:
Որտեղ կան ամուսնություններ, դրանց կողքին ցավոք կան նաև բաժանություններ: Անուշիկ Ալավերդյանի քրոջ` Արեւիկի հարսանեկան արարողությունից հետո շտապում են ամուսնացնել նաեւ իրեն, բայց երգչուհին Bravo.am-ին ասել է՝ թեև քրոջ ծաղկեփունջն ինքն է բռնել, բայց չի պատրաստվում ամուսնանալ. «Ինձ համար ծաղկեփունջ բռնելը սովորություն է դարձել, դեռ փոքր տարիքից ծաղկեփունջ բռնող եմ եղել:) ուղղակի ձեւը գտել եմ, բայց ես դեռ չեմ ամուսնանա, քանի որ բաժանվել եմ իմ նախկին սիրելիից»:
Ամուսնացել է նաև շատ շատերի սիրելի երգչուհի Քեթի Մելուան: Երգչուհու ընտրյալը սուպերբայքի նախկին չեմպիոն Ջեյմս Տոսլենդն է: Զույգը նշանադրության մասին հայտարարել էր այս տարվա սկզբին: Քեթին ու Ջեյմսը միմյանց հավերժ սիրելու խոստում են տվել Լոնդոնի թագավորական բուսաբանական այգում:
Տիգրանուհի Թասլակյան
