Երկու օր առաջ Aravot.am-ը ՀՀ վարչապետ Տիգրան Սարգսյանի մամուլի քարտուղար Հարություն Բերբերյանի միջոցով գրավոր հարցեր էր հղել վարչապետին` խնդրելով մեկնաբանել սեպտեմբերի 5-ին Hayeli.am լրատվական կայքին տված հարցազրույցում գործարար, «Գրանդ Հոլդինգ» ընկերության սեփականատեր Հրանտ Վարդանյանի` Տիգրան Սարգսյանի հասցեին հնչեցրած մեղադրանքները: Հրանտ Վարդանյանը, մասնավորապես, հայտարարել էր, որ «3-4 տարի է՝ «Գրանդ Հոլդինգ»-ի բիզնեսին նեղում են` վարչապետի գլխավորությամբ»:
Հրանտ Վարդանյանը նաեւ նշել էր, որ հենց վարչապետի վարած տնտեսական քաղաքականության հետեւանքով է տեղական արտադրողը տուժում:
Չնայած այն բանին, որ մենք հարցերը գրավոր էինք ուղարկել, այսօր ՀՀ կառավարությունից մեր հարցերին ի պատասխան՝ բանավոր հայտնեցին, որ չեն ցանկանում մեկնաբանել գործարարի ասածները:
Լուսինե ԲՈՒԴԱՂՅԱՆ
