Վերջին շրջանում «Առավոտի» հետ զրուցած կինոաշխարհի մարդիկ, ինչպես նաեւ հայ կինոարվեստի երկրպագուները մտահոգություն են հայտնում, որ մայրենիով չկա հայ կինոյին, այդ թվում՝ ժամանակակից, վերաբերող մասնագիտական գրականություն: Իրավացիորեն դժգոհում են, որ դա կօգներ ապագա կինոգետին, կինոռեժիսորին, մի խոսքով՝ երիտասարդ մասնագետներին՝ ծանոթանալու սեփական պատմությանը:
Այս հարցի պատասխանը ստանալու համար կապվեցինք կինոգետ Դավիթ Մուրադյանի հետ: Զարմանալի է, բայց փաստ, որ կինոգետը, հավանաբար, գովազդելու համար իր դիրքորոշումը, որ տպագրվել է «Կինոաշխարհ» հանդեսում, հարկ չհամարեց մեզ հետ էլ կիսվել այս մտահոգության առիթով, ասելով, որ հարցի առնչությամբ իր մոտեցումները տպագրվել են հիշյալ հանդեսում:
Հավանաբար պետք չէ կինոգետին, գրողին ու մշակույթի նախարարի նախկին տեղակալին հիշեցնել, որ յուրաքանչյուր լրատվամիջոց ունի իր ընթերցողը եւ ամեն մի հարց լրատվամիջոցը, որպես օրենք, ուղղում է իրեն հետաքրքրող խնդիրների մասին: Եթե առաջնորդվենք պարոն Մուրադյանի տրամաբանությամբ, ապա Հայաստանում կարելի է հրատարակել ընդամենը մի թերթ կամ հանդես եւ խորհուրդ տալ կարդալ միայն դա: Այդ դեպքում գուցեեւ անհրաժեշտություն չառաջանար հարց ուղղել կինոգետին, ով կրթությամբ բանասեր է եւ դիմել կինոգիտական կրթություն ունեցող անձի: Արդարության դեմ չմեղանչելու համար նշենք, որ պարոն Մուրադյանը հրաժարվեց պատասխանել «Առավոտին», պատճառաբանելով. «Այս պահին քայլում եմ փողոցով»:
Կարդացեք նաև
ՍԱՄՎԵԼ ԴԱՆԻԵԼՅԱՆ
«Առավոտ» օրաթերթ
