Այսօր DDoS հարձակման են ենթարկվել հայկական մի շարք կայքեր, որոնց թվում են՝ President.am-ը, Tert.am-ը, Lragir.am և A1plus.am-ը:
Տեղեկատվական տեխնոլոգիաների և տեղեկատվական անվտանգության մասնագետ Սամվել Մարտիրոսյանն իր ֆեյսբուքյան էջում գրել է. ՙՀՀ կիբեր-տարածքը թանկանոց DDoS-ի տակ է՚:
Նշենք, որ DdoS հարձակումը սերվերի վրա մուտքերի կտրուկ ավելացումն է, որի արդյունքում սերվերը օրինական այցելուներին չի կարողանում պատասխանել:
Shamshyan.com-ի հետ զրույցում Tert.am-ի տնօրեն Վարդան Ասատրյանը նշեց, որ իրենց տեղեկություններով, հարձակումը եղել է Ադրբեջանից, սակայն ավելի մանրամասն տեղեկատվության ինքը չի տիրապետում. Ներկա պահին ընթանում են կայքի վերականգնման աշխատանքներ:
Հիշեցնեք, որ օրեր առաջ՝ ադրբեջանցի ոճրագործ Ռամիլ Սաֆարովի արտահանձնման և արդարացման օրը, ադրբեջանական կայքերի վրա իրագործվել էին հաքերային հարձակումներ, սակայն ի տարբերություն այսօրվա իրավիճակի՝ ադրբեջանական կայքերը ՙկոտրված էին՚, ինչը նշանակում է, որ հայ հաքերները կարողացել են մուտք գործել ադրբեջանական կայքերի կառավարման վահանակներ:
