Քիչ առաջ Ազգային ժողովում հրավիրված արտահերթ նիստի ընթացքում քվեարկության 96 «կողմ» եւ 1 «դեմ» արդյունքներով ՀՀ ԱԺ-ն ընդունեց հայտարարություն, որով կասեցնում է Հունգարիայի խորհրդարանի հետ հարաբերությունները` պայմանավորված այդ երկրի կողմից 2004 թվականին հայ սպա Գուրգեն Մարգարյանին քնած ժամանակ կացնահարած եւ ցմահ ազատազրկման դատապարտված Ռամիլ Սաֆարովին Ադրբեջանին հանձնելու հետ:
Միակ «դեմը»«Ժառանգություն» խմբակցության պատգամավոր Զարուհի Փոստանջյանն էր, ով իր ելույթում հայտարարեց, որ «դեմ» է քվեարկելու, քանի որ այս ամենի արդյունքում, նրա կարծիքով, ոչ մի առաջընթաց չի լինի, ինչպես նաեւ ԼՂՀ-ի ճանաչման խնդիրը խորհրդարանը չի բարձրացրել:
«Ժառանգության» խմբակցության մյուս ներկայացուցիչները ներկա էին նիստին, բայց քվեարկությանը չեն մասնակցել:
Հայտարարության տեքստը ընդունվեց նախնական ձեւով, որեւէ առաջարկություն չի ընդունվել: ՀՀԿ խմբակցության անդամ Արտակ Զաքարյանը պարզաբանեց, որ այդ առաջարկները փոխում էին հայտարարության ուղղվածությունը եւ այդ պատճառով չեն ընդգրկվել տեքստում:
Կարդացեք նաև
Նելլի ԳՐԻԳՈՐՅԱՆ
