Այսօր ՀՀ նախագահ Սերժ Սարգսյանի եւ ՆԱՏՕ-ի գլխավոր քարտուղար Անդերս Ֆոգ Ռասմուսենի հանդիպման հետաձգման պատճառով չկայացավ նախագահական նստավայրի առջեւ կազմակերպված ցույցը: Բողոքի ակցիայի կազմակերպիչներն են ՀՅԴ Հայաստանի երիտասարդական եւ ուսանողական միությունները:
«ՆԱՏՕ-ին դիմելու ենք պահանջով, որ կոշտ դիրքորոշում ցուցաբերի Հունգարիայի հանդեպ, քանի որ իր կազմակերպած ծրագրի շրջանակում տեղի ունեցավ հայ սպայի սպանությունը: Բացի այդ, ՆԱՏՕ-ն պետք է վերանայի Ադրբեջանի հետ ունեցած անհատական-գործընկերային ծրագրերը: Որպես պատասխանատու մարմին` ՆԱՏՕ-ն պետք է հետամուտ լինի Սաֆարովի դատվելուն»,-լրագրողների հետ զրույցում ասաց ՀՅԴ Հայաստանի երիտասարդական միության ներկայացուցիչ Արթուր Ղազարյանը:
«Իրավական եւ քաղաքական պատասխանատվությունից բացի, Եվրոպական Խորհրդի պարագայում ՆԱՏՕ-ից պահանջելու ենք Հունգարիայի եւ Ադրբեջանի անդամակցության կասեցումը, եթե պարզվի, որ Ադրբեջանը եւ Հունգարիան եկել են հանցավոր համաձայնության: Տեղի եւ օտարերկրյա տարբեր պետական այրեր եւ դիվանագետներ բացասաբար վերլուծեցին կատարվածը, հետեւաբար` ակնկալիքներ ունենք, որ պահանջները կբավարարվեն»,-հավելեց ՀՅԴ «Նիկոլ Աղբալյան» ուսանողական միության ներկայացուցիչ Վահագն Ասրյանը:
Ցուցարարները ՆԱՏՕ-ի գլխավոր քարտուղարին պատրաստվում են «դիմավորել» վաղն առավոտյան:
Կարդացեք նաև
Լուիզա ՍՈՒՔԻԱՍՅԱՆ
