ՕԵԿ փոխնախագահ Հեղինե Բիշարյանի համոզմամբ, դեռ վաղ է «Լեռնային Ղարաբաղի Հանրապետությունը ճանաչելու մասին» օրենքի նախագիծը շրջանառության մեջ դնելը: «Լեռնային Ղարաբաղի անկախությունը օրենսդրական նախաձեռնությամբ չէ: Նախաձեռնությամբ պարտադրել, որ այսօր՝ հենց հիմա ու վաղը խոսենք Ղարաբաղի անկախության հռչակման մասին, ճիշտ չեմ համարում, լուրջ քննարկման հարց է, մանավանդ որ, գիտենք Մինսկի խմբի հետ կապված աշխատանքներ են գնում եւ այլն: Վերջին իրադարձությունները՝ Հունգարիայի կատարած քայլի արդյունքում առաջացել են տեսակետներ, ինչը մենք ենք ասում, աշխարհին պետք է ցույց տալ՝ ով է Ադրբեջանը, եւ իրենք իմանան, որ երբեք Ղարաբաղը չի կարող գտնվել Ադրբեջանի կազմում, բայց օրենսդրության ճանապարհով գնալը չէ ճանապարհը»,- Aravot.am-ին ասաց տիկին Բիշարյանը՝ անդրադառնալով «Լեռնային Ղարաբաղի Հանրապետությունը ճանաչելու մասին» օրենքի նախագիծը Ազգային ժողովում շրջանառության մեջ դնելու «Ժառանգության» պատգամավոր Զարուհի Փոստանջյանի նախաձեռնությանը:
Արփինե ՍԻՄՈՆՅԱՆ
