Վերաքննիչ դատարանն այսօր մերժեց Վարդան Օսկանյանի ներկայացուցիչ Տիգրան Աթանեսյանի բողոքը` ընդդեմ Կենտրոն եւ Նորք Մարաշ վարչական շրջանների ընդհանուր իրավասության դատարանի որոշման:
Դատարանը դատավոր Հենրիկ Տեր-Ադամյանի նախագահությամբ բողոքի մերժումը հիմնավորեց բողոքի անհիմն լինելու հանգամանքով: «Այս դատարանը, որը կոչվում է Հայաստանի վերաքննիչ քրեական դատարան կամ մնացած բոլոր դատարանները շատ ավելի շուտ կարդարացնեն Թալեաթ փաշային, քան մի օբյեկտիվ որոշում կայացնեն ` այն էլ Ազգային անվտանգության ծառայության դեմ , բացառված է: Սա այն երկիրն է, որտեղ ապրում ենք, այն դատարաններն են, որ ունենք, զարմանալի բան չկա: Էլի կբողոքարկենք, որ «Կարգին հաղորդման» նման չլինի էլի, չասեն, դիմեիք, կբավարարեինք, ինչու չեք դիմել: Դրա համար ենք դիմելու, համ էլ թող նրանք իրենց նախադեպին հակասեն: Ի վերջո, Վճռաբեկ դատարանն էլ, կարող եմ 100 տոկոսով ասել, պարզապես կվերադարձնեն, նրանք այլ բան ծննդաբերել չեն կարող»,- ասաց պարոն Աթանեսյանը:
Ըստ նրա, Վճռաբեկում իրենց բողոքը, ըստ էության, չի տարբերվելու Վերաքննիչ ներկայացրած բողոքից. «Իմ փաստարկներին կրկին չեն պատասխանել, չեմ կարող պատասխանել, դրա համար չեն պատասխանում… Բողոքը մոտավորապես նույն բովանդակությամբ կլինի `որոշակի փոփոխություններով»:
Կարդացեք նաև
Արփինե ՍԻՄՈՆՅԱՆ
