- Եվրախորհրդարանի նախագահ Մարտին Շուլցը
Մեդիամաքս: Եվրախորհրդարանի նախագահ Մարտին Շուլցին մտահոգել է այն հանգամանքը, «որ Ադրբեջանի նախագահի կողմից Ռամիլ Սաֆարովի ներում շնորհելը թելադրված է քաղաքական դրդապատճառներով»:
«Պետք չէ քաղաքական նպատակներով չարաշահել դատապարտված անձանց փոխանցման մասին կոնվենցիան: Ես անհանգստացած եմ, որ Ադրբեջանի նախագահի կողմից Ռամիլ Սաֆարովի ներում շնորհելը թելադրված է քաղաքական դրդապատճառներով: Միեւնույն ժամանակ, Հայաստանին եւ Ադրբեջանին կոչ եմ անում զերծ մնալ բոլոր գործողություններից եւ հայտարարություններից, որոնք կարող են ավելի սրել իրավիճակը», – ասվում է Շուլցի հայտարարության մեջ:
