Հայաստանում սիրիահայերին աշխատանք առաջարկող ընկերություններում մեծ աշխուժություն դեռ չեն նկատել: Սպասարկման ոլորտում աշխատանք առաջարկած «Հավանա» ռեստորանային համալիրի աշխատակազմի ղեկավարի պատմելով՝ իրենց դեռ երեք երիտասարդ է դիմել, բայց առաջարկվող աշխատանքով այնքան էլ չեն հետաքրքրվել. «Մատուցող, խոհարար, բարմեն… եւ տեխնիկական աշխատակազմը՝ սպասք լվացող եւ հավաքարար, դրանք են մեր ծառայությունները, բայց առանձնապես ակտիվություն չի նկատվել»: Մեր զրուցակիցը չցանկացավ ներկայացնել աշխատավարձի չափը: Աշխատանք փնտրող սիրիահայեր չեն դիմել նաեւ «Ադամիում» ընկերություն: Կադրերի բաժնի աշխատակցուհի Քրիստինե Ստեփանյանն ասաց, որ պահանջում են գործավարուհիներ՝ 70.000 դրամ աշխատավարձով, մենեջերներ՝ միջինը 200.000 դրամ աշխատավարձով, եւ առաքիչներ. «Բայց դիմողներ չեն եղել»:
Ա. Ս.
«Առավոտ» օրաթերթ
