Երեկ Շիրակի մարզի առաջին ատյանի դատարանի որոշմամբ Գյումրիի քաղաքապետ Վարդան Ղուկասյանի որդու՝ Սպարտակ Ղուկասյանի նկատմամբ այնուամենայնիվ հետախուզում է հայտարարվել:
«ՉԻ»- Հեչ սիրուն բան չստացվեց, որովհետեւ նախօրեին Գյումրիի քաղաքապետարանից հերքում էին, որ Սպարտակ Ղուկասյանն այդ ամենի հետ որեւէ կապ ունի, Վարդան Ղուկասյանն էլ ասում էր, որ կրակոցների մասին լրատվամիջոցներից է իմացել, իսկ իր որդին ընդհանրապես քաղաքում չէ: Հետաքրքիր է՝ հիմա ինչպե՞ս պիտի սրա տակից դուրս գա: Ասի, որ որդուն սխալ տեղն են «ռոզիսկ տվել»՝ կնշանակի ոստիկանության հետ պրոբլեմներ ունենալ, ասի, որ դա իր որդին չի՝ սխալ կհասկանան… Մենք, օրինակ, կառաջարկեինք հետեւյալ տարբերակը. թող Գյումրիի քաղաքապետարանի լրատվական ծառայությունն այսուհետ այդ թեմային անդարադառնալիս օգտագործի «Վարդան Ղուկասյանի ընտանիքին պատկանող որդի» արտահայտությունը: Համ ճիշտ կլինի, համ էլ ուղղակի առնչություն չի ունենա Վարդան Ղուկասյանի հետ:
«Չորրորդ ինքնիշխանություն»
