Բանակում խաղաղ պայմաններում մահացած զինծառայողների մայրերը այսօր ընդհարում են ունեցել «Հայոց արծիվներ» հ/կ ղեկավար Խաչիկ Ասրյանի հետ: Տիգրան Օհանջանյանի մայրը Aravot.am-ին պատմեց, որ Ասրյանը անցնում էր կառավարության շենքի մոտով, ու ինքը նրան օգնության համար նրան դիմեց. «Ամբողջ օրն ասում եք հայոց արծիվներ, հայոց արծիվներ , ինչո՞ւ մի անգամ էլ չեք հետաքրքրվում, թե սեւազգեստ մայրերը, որ կանգնած են, իրենց որդիներին ինչի համար են սպանել: Չէ՞ որ նրանց երեխաներն էլ են արծիվներ եղել, հայոց սահմաններն են պաշտպանել, իրենց պարտքն են կատարել հայրենիքին: Այսօր իմ տղայի մահվան 5 տարին է, ես մի քիչ վրդովված էի խոսում, բարձր ձայնով: Նա էլ բարկացավ, թե այդ ինչ տոնով եք խոսում, դուք իրավունք չունեք, դուք գիտե՞ք, ես ով եմ, որ այդպես եք ինձ հետ խոսում»:
Խ. Ասրյանը Օհանջանյանի մորը հրահանգել է տոնը իջեցնել ու զայրացած հեռացել է. «Ով է ինքը այսօր, մենք վրդովված խոսեցինք երկրի նախագահի հետ ու նա չասաց՝ տոններդ իջեցրեք, իսկ Ասրյանը ընդամենը իշխանության ոտքի տալի փալաս է, եթե գիտակից մարդ է, ու հայոց արծիվներ է ղեկավարում, թող լռեր ու գնար, մենք զինվոր ենք տվել ու այսօր պատասխան չունենք»:
Արփինե ՍԻՄՈՆՅԱՆ
Կարդացեք նաև
Տեսանյութը՝ «Ա1+»-ի
