Այսօր «Հայացք» ակումբում քաղաքագետ Լևոն Շիրինյանը, խոսելով Եվրասիական նախագծի մասին, նշեց. «Հայ գիտակցության մեջ մահմեդական աշխարհը կարծես գոյություն չունի, Ռուսաստանն էլ կարծես Եվրոպական պետություն է: Ռուսաստանն էլ ուզում է ցարական Ռուսաստանի մոդելով այս երկբեւեռ աշխարհում դառնալ բեւեռերից մեկը: Սա է Եվրասիական իսկական բովանդակությունը՝ կայացնել իր բեւեռը: Հայկական կողմը պետք է ուշադիր հետեւի զարգացումներին: Հիմա պետք է Նախիջեւանի հարցը մեջտեղ բերվի: Եվրասիականության մեջ կա նաեւ դրական էլեմենտ, այն պետք է օգտագործել, ոչ թե մերժել եւ այլն: Ռուսաստանը չունի այլեւս հենման կետ, Հայաստանն է ու Սիրիան, պետք է օգտվել վրացական եւ ադրբեջանական թշնամանքից դեպի Ռուսաստան, ոչ թե միանալ նրանց: Նրանք առաջարկում են խաղի շատ լավ կանոններ»:
Հարցին՝ մենք այլընտրանք ունե՞նք, կարո՞ղ ենք չմիանալ Եվրասիական նախագծին՝ նա պատասխանեց. «Առայժմ` այո, կոմպլեմենտարիզմը չպետք է մոռանալ»:
Հռիփսիմե ՋԵԲԵՋՅԱՆ
