15 տղամարդու և երկու կանանց թալիբները սպանել են երաժշտությամբ և պարելով ուղևորվող և երկու սեռերի ներկայացուցիչների մասնակցությամբ խնջույք կազմակերպելու համար
Աֆղանստանի հարավային Հելմանդ նահանգի պաշտոնյաները հայտնել են թալիբների զինյալների կողմից Աֆղանստանի խաղաղ 17 բնակչի գլխատելու մասին:
Նահանգի պաշտոնյաների համաձայն, զինյալները կիրակի ուշ երեկոյան սպանել են 15 տղամարդու և երկու կանանց այն բանի համար, որ նրանք կազմակերպել էին երաժշտությամբ և պարելով ուղևորվող և երկու սեռերի ներկայացուցիչների մասնակցությամբ խնջույք, ինչին կտրականապես դեմ են հանդես գալիս թալիբները:
Այս արարքից ժամեր անց թալիբների զինյալները գրոհել են Հելմանդ նահանգի Վաշիր շրջանի ռազմական հենակետերից մեկը՝ սպանելով Աֆղանստանի զինված ուժերի տասը ծառայողի:
Տեղական կառավարության խոսնակի համաձայն, հարձակման հետևանքով վնասվածքներ է ստացել չորս զինծառայող: Խոսնակը հայտնել է նաև, որ հինգ զինծառայող հեռացել է թալիբների հետ, սակայն դեռևս հայտնի չէ, արդյոք զինծառայողները հեռացել են կամովին, թե ստիպողաբար:
ՆԱՏՕ-ի պաշտոնատար անձանց համաձայն, Աֆղանստանի Լաղման նահանգում երկրի ազգային բանակի զինծառայողներից մեկը զենք է կիրառել ՆԱՏՕ-ի ուժերի երկու ծառայողի դեմ՝ սպանելով նրանցից մեկին: ՆԱՏՕ-ի հաղորդագրության համաձայն, դաշինքի զինծառայողների կողմից բացված պատասխան կրակից հարձակվողը սպանվել է:
Լանղման նահանգում իրականացված հարձակումը երկրում դաշնակիցների միջև հարաբերություններին վնաս հասցնող ներքին հարձակումների գրանցված վերջին դեպքն է:
Արմեն Հովհաննիսյան
«Ամերիկայի Ձայն»
