Հմայակ Հովհաննիսյան-ԲՀԿ բանավեճը շարունակվում է: Aravot.am-ն իր հրապարակումներից մեկում Քաղաքագետների միության նախագահ Հմայակ Հովհաննիսյանից հետաքրքրվել էր, թե ի վերջո ի՞նչ նկատի ունի` «բիլակների գործադրում» ասելով` ծեծե՞լ են իրեն, ինչպե՞ս են բիլակները գործադրել, առյուծի նկա՞ր են ցույց տվել, ի՞նչ են արել: Վերջինիս պատասխանից հետո ԲՀԿ-ն հանդես եկավ հայտարարությամբ, որտեղ Հ. Հովհաննիսյանին «քաղաքական լարախաղաց» էին անվանում, նշում, թե նա տառապում է «քաղաքական անբարոյականություն քրոնիկ հիվանդությամբ, որն անբուժելի է»:
Այսօր Հ. Հովհաննիսյանը կրկին որակումներ է տվել ԲՀԿ-ին, նշելով, թե «ԲՀԿ-ն ուզում է սուրբ կո՞վ դառնալ»: Ուստի Aravot.am-ը ԲՀԿ երիտասարդական կազմակերպության ղեկավար Վահե Էնֆիաջյանից հետաքրքրվեց՝ արդյոք բանավեճը չի՞ անցնում կոռեկտության սահմանները և գուցե իրո՞ք ԲՀԿ-ն «քցել է» Հ. Հովհաննիսյանին, ինչպես ինքն է հայտարարում: Վ. Էնֆիաջյանը պատասխանեց. «Ով ուզում է լինի, ինչ ուզում է լինի, թող չանցնի կոռեկտության սահմանները: Բանակցություններ վարելը պետք է լինի քաղաքական ձևաչափի մեջ: ԲՀԿ-ն ոչ ոքի չի քցել, նա միշտ էլ իր պայմանավորվածությունները պահպանել է և մենք բացահայտ ասում ենք, որ մեր խոսքը գործ է, այլ ձևաչափի համագործակցություն մեզ համար ընդունելի չէ: Այլ բան է, որ մարդիկ ինքնաբավարարման եզրեր չեն գտնում, դա արդեն իրենց խնդիրն է»:
Տաթև ՀԱՐՈՒԹՅՈՒՆՅԱՆ
Կարդացեք նաև
