Հանկարծամահ եղած Սուրեն Սիրունյանի դստեր՝ Դիանա Սիրունյանի վիճակը շարունակում է մնալ ծայրահեղ ծանր: Aravot.am-ի հետ զրույցում աղջկա առողջական վիճակի մասին նոր մանրամասներ հայտնեց առողջապահության նախարարի առաջին տեղակալ Հայկ Դարբինյանը: Նրա խոսքերով. «Վատն այն է, որ բացասական դինամիկա կա: Լավագույն մասնագետները նայեցին ու իրենց նշանակումներն արեցին, հիմա մնում է, որ, եթե վիճակը կայունանա՝ վիրահատեն: Մասնագետները միմյանց հետ անընդհատ կապի մեջ են: Կոնսիլիումի ժամանակ որոշվել էր գոնե դեմքի ոսկորների ֆիքսացիա կատարել, սակայն այսօր որոշեցինք դա էլ չանել, քանի որ դա իր կյանքին այս պահին ոչինչ չի տա: Աջիկն ամբողջապես արհեստական շնչառության վրա է»:
Լուսինե ԲՈՒԴԱՂՅԱՆ
