Երկու օր առաջ Գյումրու քաղաքապետի իշխանական թեկնածուն` Սամվել Բալասանյանը,
հանդիպեց Գյումրու մի շարք հ/կ ներկայացուցիչների հետ` նրանց հետ քննարկելով տարբեր
հարցեր, որոնք վերաբերում էին քաղաքի գործազրկությանը, բարոյահոգեբանական կեղտոտ
մթնոլորտին, անճաշակ քաղաքաշինական լուծումներին, քաղաքապետարանում առկա
կոռուպցիային, մասնավորապես տեղեկանքների համար պահանջվող խելահեղ գումարներին,
ներդրումներ չլինելուն և այլն: Թվում էր, թե պարոն Բալասանյանը խոսում է իր հետագա
անելիքներից, բայց իրականում ձեռքի հետ լավ էլ խայթում էր գործող քաղաքապետ Վարդան
Ղուկասյանին: Նա թեև հայտարարեց, որ ոչ մի բառ չի խոսելու քաղաքապետի մասին,
այս պահից սկսած մի գիծ է քաշում իր ու նրա միջև, այդուհանդերձ չէր դիմանում քննադատելու
գայթակղությանը ու առանց անուն նշելու` ոգևորված խոսում էր այն խնդիրներից, որոնց
անմիջական մեղավորը քաղաքապետն է: «Ո ՞ ր ծառայությունը վերցնենք, որ տակից ճիշտն
ասած իդեալական բան դուրս գա, պրոբլեմներն էնքան են կուտակված, հիմա ես տնական
աչքերով եմ նայում»,-ասաց թեկնածուն: Սակայն, մինչև այս ամենին անդրադառնալը, նա
հանդիպումը սկսեց «Առավոտ» օրաթերթում տպագրված «Հ/Կ-ներից շատերը մերժում են
Սամվել Բալասանյանի հրավերը» վերտառությամբ հոդվածի քննարկումից: «Ճիշտն ասած
զարմացա կարդալով.Գյումրիում 400 հ/կ-ներ կան, դուք ձեր ուրույն տեղը պետք է ունենաք
քաղաքի զարգացման գործում , եկեք դուրս գանք նեղ անձնական շահերից և քաղաքը կառուցենք,
զավեշտ է, ո՞ նց կարող է ցանկություն չունենաք հանդիպել քաղաքապետի թեկնածուի հետ:Ես
համարում եմ, որ «Առավոտ» թերթի մեջ գրածը ուղղակի չի գրվել, էնպիսի կարծիքներ են հնչել,
թե Բալասանյանը հ/կ-ների հետ հանդիպում ինչի՞ պիտի կազմակերպի, այ մարդ, ի՞նչ կա, գնում
ես նախընտրական քարոզարշավի, ի՞նչ վատ է, որ իմ ծրագրում ընդգրկվեն ձեր
առաջարկությունները: Եկեք մեծահոգի լինենք, բերեք ինձ լսեք, հավատացե’ք, ոտքներդ
լարին չի գա, իրար հետ աշխատենք թափանցիկ, նորմալ : Երեկ ես հանդիպեցի
մտավորականների հետ , շատ ջերմ զրույցեց ստացվեց , այս ֆորմատը լավ ստացվեց»: Նա նաև
նշեց, որ մտավորականներն իր հետ զրույցում ասել են, թե քաղաքապետի տեսակի
փոփոխություն են ուզում: «Վատ բան չեն ասում, բերեք փոխենք քաղաքի էս
բարոյահոգեբանական մթնոլորտը, հասկանում եք ամեն մարդ իրա մտածելակերպի չափով
աշխատել է , ամեն մարդ իր ունակության , իր խելքի չափով թիմ է կազմել, հետո աշխատել է
:Եթե իմ թիմը լավ չեղավ, չկարողացա աշխատել, կասեմ` ժողովուրդ ջան`շատ կներեք, ուղղակի
չկարողացա, իմ ուժերից վեր է , իմ ունակությունները հերիք չեն տալիս: Հիմա բերեք իրար հետ
թափանցիկ աշխատենք, ի՞նչ է պատահել: Մի ամիս է` գրում են, թեև բան էլ չկա գրելու, բայց
գրում են, թե Բալասանյանին որտեղի՞ց գտան, ինձ, ճիշտ ասած, չեն գտել, ես եմ համաձայնել:Իմ
թեկնածությունը ԲՀԿ կուսակցությունն է առաջարկել և պատահական չէ առաջարկել, ուղղակի
քաղաքում սոցհարցման արդյունքնում իմ վարկանիշը չափել են ու 3 հոգու մեջ ինձ են ասել
`դու պետք է լինես, ես էլ հաճույքով համաձայնել եմ: Ուրախ եմ, հպարտ եմ ծառայել
գյումրեցիներին», -ասաց քաղաքապետի թեկնածուն` միաժամանակ ակնարկելով, որ ինքն այս
քայլին գանցել է իր բառերով ասած «պատրիոտիզմից» դրդված, այլապես չէր թողնի ԱԺ
Գյուղատնտեսական և բնապահպանական հարցերի մշտական հանձնաժողովի նախագահի
լուրջ, ընտրովի պաշտոնն ու վերադառնար Գյումրի: Ու որպես «պատրիոտիզմի» ցայտուն
ապացույց, պարոն Բալասանյանը մեջբերեց գարեջրի գործարանի Գյումրիում հիմնադրելը:
Հիշեցնելով, որ ինքը բիզնեսի կարկառուն ներկայացուցիչ է, քաջ գիտի, որ գումար ներդնում են
այնտեղ, որտեղից եկամուտ են ստանում, ասաց, որ այդուհանդերձ գերադասել է
Գյումրին, քանի որ կարգախոս ունի` վերականգնել կորցրած աշխատատեղերը: Իհարկե, ըստ
նրա, եթե ներդրում կատարեր Երևանում կամ դրսում, բնականաբար ավելի շատ գումար
կստանար:Այս ամենը մանրուքներով բացատրելիս` պարոն Բալասանյանն անդրադարձավ նաև
իր հեղինակած «Գյումրու մասին» օրենքին, որը ընդունվել է 2002թվականին ու թեև եզակի
արտոնություններ է շնորհում շահութահարկի,ավելացված արժեքի մասով` ներդրողներին
գայթակղելու ու Գյումրի բերելու համար, սակայն, ըստ հեղինակի, 10 տարվա ընթացքում
այդպես էլ ոչ մի ներդրող ոտք չի դրել Գյումրի: Իսկ պատճառը, ըստ պարոն Բալասանյանի,
այն է, որ այս քաղաքում «սովորական հիվանդություն» կա. որպես նախապայման
ներդրողներին 50/50 հարաբերակցություն է առաջարկվում, այլ կերպ ասած փորձում են
հավասարաչափ փայատեր դառնալ նրանց հետ: «Ուրիշ տարբերակ չէր կարող լինել, ո՞նց կարող
էր էս արտոնություններ ունեցող քաղաքը ներդրում չունենար, ինչքա՞ն մարդ է եկել ու ետ
գնացել, ի՞նչն է եղել պատճառը:Էս օրենքը կամաց-կամաց իր ուժը սկսեց կորցնել, ստիպված են
նորից սրա մեջ լրացումներ և փոփոխություններ կատարել և հիմա շրջանառության մեջ կա
լրացումները և փոփոխությունները:Չի ընդունում կառավարությունը, հասարակ բան ենք ասում,
ազատ տնտեսական գոտիները մտած էին օրենքի նախագծի մեջ, հանեցին էդ հոդվածը:2011
թվականին բերեցին, «Ազատ տնտեսական գոտու օրենքը» ընդունեցին, ելույթ եմ ունեցել, ասել
եմ, 10 տարի առաջ պետք է ընդունեիք, պարոն վարչապետ, հիմնական խնդիրը գիտեք ո՞րն է , որ
չեն ընդունում, ասում են ինչի՞ պետք է էս արտոնությունը տանք Գյումրի քաղաքին: Ես էլ
բացատրում եմ` նրա համար, որ Գյումրին գտնվում է 120 կիլոմետր կենտրոնից հեռու, հետո
Գյումրին գտնվում է ռիսկային գոտում, հյուսիսային մասում և այլն: Տարբեր արգումենտներ կան,
չեն ուզում ընդունել»: Պարոն Բալասանյանը կոչ արեց Գյումրիում 200 միլիոն ներդրողին
ազատեն շահութահարկից, քանի որ նա աշխատեղեր է ստեղծում, սոցվճարներէ տալիս,
աշխատավարձ է տալիս, ներդրումներէ կատարում: «Էսօր ամերիկյան բիզնեսը հոսում է
Չինաստան, պատճառը գիտեք ո՞րն է, էնտեղ 10 տարի հարկեր չեն տալիս»: Ըստ Սամվել
Բալասանյանի, եթե օրենքը գործի, լինեն ներդրումներ, Գյումրիում ամեն քայլափոխի
կառույցների գլխին չի գրվի ` «Տրվում են վարձով» , կամ այդքան գազալցակայաններ
չեն կառուցվի: Թեկնածուն նաև անդրադարձավ կաշառքով տրվող տեղեկանքներին`
ակնարկելով, որ մարդը պետք է տեսած լինի, ոչ թե պաշտոն ստանալով` վերևից նայի
հասարակությանն ու գոչի` ես քո տերն եմ հասարակություն: «Ես շատ լուրջ
հնարավորություններ ունեմ, գործարաններ ունեմ, և երբեք իմ ձեռքը չեմ երկարացնի
սոցիալապես ծանր վիճակում գտնվող հասարակությունից տեղականքի համար գումար
վերցնելուն:Կպատժեմ էն մարդուն , ով որ իմ թիմակիցը կլինի , և կաշխատի և կփորձի նման
կոռուպցիայով զբաղվել, դա խոստանում եմ :Դրա համար ձեր`հասարակության օգնությունն է
պետք` թեժ գիծ, եթե իհարկե ընտրվեմ,որովհետև հիմա տպավորություն կարողէ լինել, թե
քաղաքապետ չի ընտրվել, եկել, խոսում է , չկա էդպիսի բան, սա ուղղակի հանդիպում է»,-ասաց
պարոն Բալասանյանը:Նա նաև նշեց, որ գործելու է «մեկ պատուհանի սկզբունքը», որպեսզի
կարողանան ձերբազատվել այս կեղտոտո իրավիճակից: «Մանավանդ էս քաղաքում`
Գյումրիում, որտեղ գիտեք, որ գործազրկության ամենաբարձր տոկոսն է, էնպիսի մի բանակ
ունենք անօթևանների, էնպիսի մի բանակ, մենք դեռ հաշվառում կանցկացնենք, վերջը մեր
համար պատկերը պետք է վերջնական լինի, պետք է հասկանանք, թե լավ` ի՞նչ է
կատարվում»:Թեկնածուն նաև ասաց, որ զարմանում է գյումրեցիներից լսելով,
թեև տեղեկանքները փողով են: Նա թեև չի բացառում, որ բնակիչների խոսքը պետական
մուծման մասին է , այդուհանդերձ զարմանում է` էդ չափի ՞: «Իմ համար դա
տրամաբանությունից զուրկ է, տեղեկանքի համար էդ տեսակ թվե՞ր, դեռ կճշտենք: Չի կարելի,
սոցիալապես ծանր վիճակում գտնվող ժողովրդից էդ կոպեկները, գումարները հավաքելով`
ստեղծել բյուջե և փորձել երկարացնել ձեռքը էդ բյուջեի մեջ, Աստված երևի կպատժի էն
աշխատողին, որը կարող է էդպիսի կոռուպցիայով զբաղվել», -ակնարկեց քաղաքապետի
թեկնածուն : Ի դեպ, նա ասաց, որ քաղաքապետընտրվելով առաջին հերթին ռեվիզոր կհրավիրի
ու գույքագրում կկատարի: Ըստ նրա, ինքը Վարդան Ղուկասյանին գնահատական չի տալու, հետ
չի նայելու, թող հետ նայեն համապատասխան մարմինները, ասենք ֆինանսների
նախարարությունը:
ՆՈՒՆԵ ԱՐԵՎՇԱՏՅԱՆ
«Առավոտ» օրաթերթ
