Արամ Համբարյան
Վանաձորի պետական մանկավարժական ինստիտուտի արվեստի ամբիոնի դասախոս 32- ամյա Արամ Համբարյանը կասկածվում է է նույն ինստիտուտի այս տարվա շրջանավարտ Մարինե Վարդումյանին բռնաբարելու մեջ:
Այն բանից հետո, երբ 21-ամյա ուսանողուհին դեպքի կապակցությամբ հաղորդում է ներկայացրել Լոռու մարզի դատախազություն` մանրամասնելով, թե երիտասարդ դասախոսը, իր կամքին հակառակ սեռական հարաբերություններ է ունեցել իր հետ`վախեցնելով ու բռնություն կիրառելով իր նկատմամբ, նախաքննություն էր սկսվել:
Արդյունքում Համբարյանի նկատմամբ հարուցվել է քրեական գործ ՀՀ քրեական օրենսգրքի 138 հոդվածի 1-ին մասի հատկանիշներով, այն է «Բռնաբարությունը` տղամարդու սեռական հարաբերությունը կնոջ հետ` նրա կամքին հակառակ, վերջինիս կամ այլ անձի նկատմամբ բռնություն գործադրելով կամ դա գործադրելու սպառնալիքով կամ կնոջ անօգնական վիճակն օգտագործելով»:
Ինչպես «Առավոտին» հայտնեցին ՀՀ ոստիկանության Լոռու մարզի քննչական բաժնից, այս պահին հարուցվել է քրեական գործ եւ ընթանում է նախաքննություն:
Կարդացեք նաև
«Համբարյանին որեւեէ կարգավիճակ տրված չէ»,-տեղեկացանք քննչական բաժնից:
Մեզ հետ զրույցում դասախոս Համբարյանը, պնդելով դեպքին առնչություն չունենալու `մինչեւ այս տրված մեկնաբանությունները` հորդորեց լրատվամիջոցներին զբաղվել առավել կարեւոր գործերով:
«Հերիք է, ինչքան կարելի է, ինձ մեծ լավություն արած կլինեք, որ այս թեման այլեւս չշոշափեք »,-ասում է վերջին շրջանում այս խնդրով լրատվամիջոցների հետաքրքրասիրությունը չափից անհարկի համարող դասախոսը:
Անուշ ԲՈՒԼՂԱԴԱՐՅԱՆ
