ԵԱՀԿ-ի լրատվամիջոցների ազատության գծով ներկայացուցիչ Դունյա Միյատովիչը, այսօր Մոսկվայում Pussy Riot խմբի անդամների` 2 տարով ազատազրկման վճռին անդրադառնալով, զգուշացրել է արտահայտման ազատության «սանձահարման» տենդենցի մասին:
«Տեսնում եմ, որ տարբեր երկրներում իշխանությունները, սոցիալական և կրոնական խմբերն ու դատարանները գնալով ավելի խիստ դիրքորոշում են որդեգրում այնպիսի երևույթների նկատմամբ, որոնք որակվում են «վիրավորող, բարոյապես կասկածելի և երեխաների համար վտանգավոր»: Դեպքերի մեծ մասում դա ուղղակի ոչ ընդունված կամ քննադատական կարծիքի գրաքննության արդարացում է
Խուլիգանության ու կրոնական ատելության սերմանման մեղադրանքները չպետք է կիրառվեն արտահայտման ազատությունը սահմանափակելու համար: Որքան էլ խոսքը (ելույթը) սադրիչ, ծաղրական կամ զգայուն լինի, չպետք է սահմանափակվի կամ ճնշվի և ոչ մի պարագայում, չպետք է հասցնի ազատազրկման
56 պետություն ինձ վստահել է ինձ լիազորել են պաշտպանել և համաձայնեցնել արտահայտման ազատության հետ կապված սկզբունքներն ու պարտավորությունները և ես պարտավոր եմ արձագանքել նման անհանգստացնող զարգացումներին: Արտահայտման ազատությունը, իր ավանդական ու ժամանակակից ձևերով ձևաչափերով անդառնալիորեն կարող է վնասվել, եթե ներկա փորձն ու հիմնարար օրենքները չփոխվեն»,- ասված է Միյատովիչի հայտարարությունում:
Tert.am
