Ժամեր անց «Նարեկացի» կամերային նվագախումբը (գեղարվեստական ղեկավար՝ Արամ Թալալյան) հիմնադրման 15-ամյակի առիթով Գրողների տան դահլիճում հանդես կգա համերգով: Դիրիժորական վահանակի մոտ կլինի պորտուգալաբնակ Սամվել Բարսեղյանը, որին մասնագետներն ու երաժշտասեր հասարակությունը ճանաչում է որպես ալտահար: Փաստորեն, երեւանյան համերգով նա առաջին անգամ կներկայացա իբրեւ դիրիժոր:
Aravot.am-ի հետ զրույցում նա ասաց, որ հայաստանցի կոլեգաների նման Լիսաբոնի օպերային թատրոնի նվագախմբի երաժիշտներն էլ արժանիորեն չեն վարձատրվում, բայց չեն էլ տրտնջում. «Նկատել եմ՝ հայաստանցի երաժիշտների զգալի մասի մոտ անհիմն ամբիցիաներ կան: Մի փոքր մասն է ձգտում է սովորել, կատարելագործվել, իսկ ամենացավալին այն է, որ բոլորն՝ առանց բացառության, ուզում են հայտնվել Եվրոպայում, հավանաբար մտածելով, որ այնտեղ ամեն ինչի կարելի է հեշտությամբ հասնել, ինչ այդքան էլ այդպես չէ»:
Սամվել Բարսեղյանը նաեւ հայտնեց, որ այս օրերին ցանկացել է հանդիպել ՀՀ մշակույթի նախարարի հետ, ինչը չի հաջողվել. «Սեպտեմբերին Հայաստանի պետական ֆիլհարմոնիկ նվագախմբի հրավերով մասնակցելու եմ ավանդական դարձած դասական երաժշտության երեւանյան միջազգաիյն փառատոնին: Կարծում եմ, գոնե այդ օրերին կհանդիպեմ տիկին Պողոսյանին»:
Մանրամասները՝ տպագիր «Առավոտում»:
Կարդացեք նաև
Սամվել ԴԱՆԻԵԼՅԱՆ
