Սաթենիկ Սարգսյանն իր պաշտպան Ռուբեն Բալաբանյանի հետ
Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում (դատավոր Լեւոն Ավետիսյան) ավարտվեց «Հայինկասացիայի» գլխավոր հաշվապահ Անահիտ Գրիգորյանի, գլխավոր հաշվապահի տեղակալ Սաթենիկ Սարգսյանի եւ մյուսների՝ Աղավնիկ Խաչատրյանի, Արմեն եւ Արմինե Գրիգորյանների, Սարգիս Դանիելյանի դեմ հաուցված քրեական գործով դատաքննությունը:
Մեղադրող Հարություն Հարությունյանը հանդես է եկել մեղադրական ճառով, հաստատված համարել մեղադրանքը:
Նա Անահիտ Գրիգորյանի համար պահանջել է 9 տարվա ազատազրկում, Սաթենիկ Սարգսյանի համար՝ 7 տարվա ազատազրկում:
Դատարանի դահլիճից կկալանավորվեն Արմեն եւ Արմինե Գրիգորյաններն ու Սարգիս Դանիելյանը, որոնց համար դատախազը պահանջել է 5-ական տարվա ազատազրկում: Աղավնիկ Խաչատրյանի համար մեղադրողը պահանջել է 3 տարի 8 ամսվա ազատազրկում, որը պայմանական չի կիրառվի: Պատժից հանվել է 2 ամիսը, քանի որ Աղավնիկ Խաչատրյանը այդքան ժամանակ եղել է կալանավորված:
Կարդացեք նաև
Aravot.am-ի տեղեկություններով օգոստոսի 11-ից անժամկետ հացադուլ է հայտարարել ԱՆ «Աբովյան» քրեակատարողական հիմնարկի կալանավոր քաղցկեղով հիվանդ Սաթենիկ Սարգսյանը:
Նրան հավանաբար կհետեւի Անահիտը:
Հիշեցնենք, որ շաքարով հիվանդ, ծայրահեղ ծանր առողջական վիճակով մեկուսարանում պահվող, գրեթե կուրացած Անահիտ Գրիգորյանին ինսուլին էին սրսկում անգամ դատարանում:
Սաթենիկ Սարգսյանը քաղցկեղով հիվանդ, 3-րդ կարգի հաշմանդամ է:
Մեղադրող Հարություն Հարությունյանը եւ տուժողի ներկայացուցիչները
Ռուզան ՄԻՆԱՍՅԱՆ
