«Ուեյվրայդեռ» («Waverider», թարգմանաբար՝ «Ալիքների հեծյալ») անվանումը կրող գերձայնային օդանավի պատկերը
ԱՄՆ-ի զինված ուժերը երեքշաբթի օրը ձայնի արագությունը վեց անգամ գերազանցող անօդաչու օդանավ են փորձարկել Խաղաղ օվկիանոսի շրջանում:
Կալիֆորնիա նահանգում գտնվող «Էդվարդս» ռազմակայանի խոսնակ Ջոն Հեյրի համաձայն, հեռահար կառավարմամբ, թևեր գրեթե չունեցող «X-51A» անօդաչու սարքը երեքշաբթի օրը գործարկվել է «B-52» ռմբակոծիչից մոտ 15 հազար մետր բարձրության վրա:
Ռազմակայանի խոսնակի համաձայն, փորձարկման մանրամասների մասին լրացուցիչ տեղեկություններ կներկայացվեն չորեքշաբթի օրը: Ըստ փորձարկման ծրագիր սակայն, հրթիռային արագացուցիչը և հրթիռի տեսք ունեցող օդանավի շարժիչը պետք է հասցնեին սարքի արագությունը ժամում 7300 կիլոմետրի՝ արագություն, որը կրում է նաև «Մախ-6» անվանումը:
«Ուեյվրայդեր» («Waverider», թարգմանաբար՝ «Ալիքների հեծյալ») անվանումը կրող օդանավը հինգ րոպե տևողությամբ թռիչքի ընթացքում պետք է հասներ 21 հազար մետր բարձրության, ապա ընկներ Խաղաղ օվկիանոսի ջուրը: Զինված ուժերի համաձայն, սարքը ջրից հանելու ծրագրեր չկան:
Կարդացեք նաև
Ավելի վաղ՝ 2010 թվականի մայիսին, նման մի սարք հասել էր ձայնի արագությունը հինգ անգամ գերազանցող արագության, սակայն փորձարկումն ավարտվել էր վաղաժամ՝ տեխնիկական խնդիրների պատճառով:
ԱՄՆ-ի պաշտպանության նախարարության պաշտոնյաների համաձայն, գերձայնային օդանավը կարող է զգալիորեն հզորացնել Միացյալ Նահանգների օդուժի հզորությունը: Ապագայում այս տեխնոլոգիան հնարավոր կլինի նաև օգտագործել՝ առևտրային թռիչքների արագությունը զգալիորեն ավելացնելու նպատակով: Նման արագություն ունեցող օդանավի օգտագործման դեպքում Նյու Յորքի և Լոնդոնի միջև թռիչքի տևողությունը կարող է կազմել մոտ մեկ ժամ:
«Ամերիկայի ձայն» ռադիոկայան
