Հատված «Ժողովրդավարական հայրենիք» կուսակցության նախագահ, ՀԱԿ ներկայացուցիչ Պետրոս Մակեյանի հետ հարցազրույցից:
– Պարոն Մակեյան, Կոնգրեսը որոշել է ՏԻՄ ընտրություններին խոշոր համայնքներում քաղաքապետի թեկնածուներ չառաջադրել։ Ի՞նչն է այդ ամենի պատճառը, ինչո՞ւ եք պասիվ։
– Չգիտեմ՝ Կոնգրեսը կոնկրետ նման որոշում ընդունել է, թե ոչ, բայց փաստը մնում է փաստ, որ մեծ համայնքներում քաղաքապետի ընտրություններին չի մասնակցում։ Ենթադրում եմ, որ պատճառը մայիսի 6-ի ընտրությունների արդյունքներն են։
Կարդացեք նաև
– Բայց ՍԴՀԿ ատենապետ Լյուդմիլա Սարգսյանը նշել է, որ ընտրություններին չմասնակցելու պատճառը ֆինանսական խնդիրներն են։
– Եթե հաշվի առնենք, որ ՏԻՄ ընտրությունների ժամանակ ֆինանսական ծախսերը անհամեմատ ավելի փոքր են, քան մյուս ընտրություններինը, ապա կարծում եմ՝ այդ պատճառաբանությունը տեղին չէ:
– Նշեցիք, որ ՀԱԿ–ը, տեսնելով, թե ինչ է տեղի ունեցել ԱԺ ընտրությունների ժամանակ, որոշել է ՏԻՄ ընտրություններին չմասնակցել, այստեղից կարելի՞ է եզրակացնել, որ ՀԱԿ–ը նույն տրամաբանությամբ նախագահական ընտրություններին չի մասնակցի։
– Մեր կուսակցությունը մայիսի 6-ի ընտրություններից հետո հայտարարեց, որ ՀԱԿ-ն ամեն ինչ պետք է անի, որպեսզի ձեւավորվի նոր ուժային կենտրոն, որը կդառնա այլընտրանք։ Ցավոք սրտի, մինչեւ այժմ ես այդ գործընթացը չեմ տեսել, միգուցե այս հաջորդող շրջանում այն սկսվի։ Փորձում ենք քաղխորհրդում ներկայացնել մոտեցումները, բայց առայժմ ակնկալիքներ, հաջողություններ չենք տեսնում։
Սոնա ԳՐԻԳՈՐՅԱՆ
«Ժողովուրդ»
