Այսօր Ծիծեռնակաբերդի հուշահամալիրում ժամը 11-ին պետք է տեղի ունենար «Որտեղի՞ց ենք գալիս և ո՞ւր ենք գնում» խորագրով միջոցառումների շարք՝ նվիրված Հայ գրատպության 500-ամյակին և Ցեղասպանության 100- ամյակին: Հուշահամալիրի տարածքում արևի տակ հավաքվել էր լրագրողների մի մեծ խումբ, որը կազմ-պատրաստ սպասում էր միջոցառման սկսվելուն, սակայն, ի զարմանս բոլորի, կազմակերպիչներն այդպես էլ չեկան: Նախատեսված ժամից կես ժամ անց լրագրողներից մեկը զանգահարեց կազմակերպիչներից մեկին. վերջինս տեղեկացրեց, որ խցանման պատճառով 15 րոպե կուշանան, անցավ ևս կես ժամ և լրագրողների համբերությունը սպառվեց:
Ահա այսպես մեկ ժամից ավելի դրսում կանգնած համառ լրագրողները որոշեցին լքել միջոցառման վայրը:
Անժելա ՇԱՀՈՒՄՅԱՆ
