Երեւանում փոքր այգիների ու բակերի մակարդակով բարկեկարգումներ լինում են, բայց հանրային տարածքի հաշվին կառուցապատման գործընթացը շարունակվում է : «Օղակաձեւ այգում արդեն 2 ամիս է բետոններով շինարարություն է ընթանում, Նանուսենի այգում թանգարան է կառուցվում, ապագայում էլ մատուռ է կառուցվելու, արդեն ցուցանակ է դրված: Քննարկումներ են գնում Մաշտոցի այգու՝ Սարյանին հարող հանրային տարածքի հաշվին Համազգային թատրոնի շենքը կառուցելու մասին »,- այսօր «Զարկերակ» ակումբում ասաց քաղաքացիական նախաձեռնության ակտիվիստ Ռուզան Գրիգորյանը: Նա դժգոհեց, որ բոլոր կառուցապատոմները հակասում են Երեւանի գլխավոր հատակագծին. «Հանրությունը ժամանակին չի տեղեկացվում կառուցապատման մասին ու հնարավորություն չի ունենում մասնակցություն ունենալ որոշման գործընթացին, փոփոխվում է մեր արտաքին միջավայրը, բայց մենք դրա մասին տեղականում ենք, երբ բետոնները կանգնեցնում են»:
Ռ. Գրիգորյանի խոսքերով՝ քաղաքացիական նախաձեռնությունը պայքարի օրակարգ է բերել պատասխանատվության ենթարկելու հարցը.« Բոլոր այն պաշտոնյաները, որոնք ինչ-որ տեղ պատասխանատվություն են կրում այն որոշումների համար, որոնք օրենքին հակառակ են արվում, նրանք պատասխանատվություն պետք է կրեն , եթե կարողանանք այդ մշակույթը հաստատել ու գոնե մեկ անգամ ինչ-որ պաշտոնյայի պատասխանատվության ենթարկել , երեւի ինչ-որ տեղ կկանխենք հաջորդ քայլը»:
Բնապահպան Արման Վերմիշյանն էլ մտահագություն հայտնեց , որ Երեւանում կանաչապատման աշխատանքներն ավելի քիչ են քան բնության քայքայման աշխատանքները: Նրան, բացի ապօրինի կառուցապատումներից, մտահոգում է նաեւ օդի աղտոտվածության ավելացումը.«Անցած ամսվա համեմատ փոշին երկու անգամ ավելի է նորմայից. նորման մոտ 0,4 խմ է »: Ըստ նրա, օդի աղտոտավածության մակարդակը մեծացել է ակտիվ շինարարական գործընթացի հետեւանքով: Բնապահպանի խոսքերով, շինարարաության ընթացքում չեն պահպանվում տարրական նորմեր.«Օրինակ, եթե բեռնատարը բեռնված դուրս է գալիս շինարարական վայրից, պետք է գոնե անիվները լվանան , ամենատարրական նորմն է, որը ոչ ոք չի պահում»:
Արփինե ՍԻՄՈՆՅԱՆ
Կարդացեք նաև
