Այսօր` Առնո Բաբաջանյանի անվան համերգասրահում մեկնարկեց ՀՀ ԿԳ նախարարության կազմակերպած Համահայկական կրթական 5-րդ խորհրդաժողովը, որին մասնակցում է շուրջ 150 գործիչ` 20 երկրից:
Խորհրդաժողովում քննարկման նյութ են դառնալու 2010 թ-ի 4-րդ խորհրդաժողովի բանաձևի դրույթների իրականացման ուղղությամբ կատարված աշխատանքները, ծրագրամեթոդական առկա հիմնահարցերը, կադրերի պատրաստման և վերապատրաստման, փորձի փոխանակման, Հայոց ցեղասպանության 100-ամյակին ընդառաջ նախագծվող միջոցառումները, ինչպես նաև` Սփյուռքում ազգային կրթադաստիարակչական գործի աջակցությանն ուղղված հետագա համատեղ քայլերը:
Բացման խոսքով հանդես եկած ԿԳ փոխնախարար Կարինե Հարությունյանը փաստեց, որ աշխարհի տարբեր ծայրերում հիմնված հայ ժողովուրդը, միևնույն է, հիմնել է դպրոցներ. «Մտահոգիչ են Սփյուռքի դպրոցների փակման եւ հայերենով խոսողների թվի նվազման խնդիրները, որոնք պետք է լուծվեն Հայաստանի և Սփյուռքի համատեղ ուժերով: Համոզված եմ, որ այս խորհրդաժողովը նույնպես կտա անհրաժեշտ արդյունք»:
Հաջորդիվ կներկայացնենք խորհրդաժողովի մանրամասները. ելույթով հանդես է եկել նաև ՀՀ վարչապետ Տիգրան Սարգսյանը:
Կարդացեք նաև
Լուիզա ՍՈՒՔԻԱՍՅԱՆ
