Շատերն են նկատել, որ քաղցր, ճարպոտ եւ կալորիական սնունդը սթրեսի ժամանակ հաճախ հանգստացնող նշանակություն է ունենում: Ամերիկացի գիտնականներն էլ հայտարարում են, որ սթրեսից բխող շատակերությունը հորմոնալ բնույթ ունի: Պատճառը գրելին կոչվող հորմոնն է, որը առաջանում է մարդու օրգանիզմում եւ մասնավորապես ստամոքսում՝ սթրեսի պահին: Այդ հորմոնն էլ պատասխանատուն է մարդու ախորժակի եւ նյութափոխանակության: Ինչքան ուժեղ է սթրեսը, այնքան մեծ քանակությամբ է արտադրվում գրելինը, այստեղից էլ՝ վայրի ախորժակը: Այժմ ամերիկացի գիտնականները աշխատում են այն ուղղությամբ, որ սթրեսի ժամանակ մեղմեն ու հսկեն գրելինի արտադությունը մարդու օրգանիզմում: Մինչ ցանկությունը գործ կդառնա, մնում է անձամբ սանձ դնել սեփական ախորժակին եւ աշխատել քիչ «մսխել» նյարդերը:
Լիկա ԳԼԱՄՈՒՌՅԱՆ
