Չնայած 21-րդ դարի տղամարդիկ իրենց համարում են սեքսի գիտակներ, բայց հաճախ կանգնում են խնդիրների առջեւ, հիմնականում իրենց միամտության պատճառով: Հասարակ մի օրինակ. բոլորը գիտեն, թե ինչի համար է նախատեսված պահպանակն ու գիտեն նաեւ, որ դրանց օգտագործումը սեռական հարաբերության ժամանակ կանխում է սեռավարակների ներթափանցումը, դրանցից բխող վտանգավոր հետեւանքները, ինչպես նաեւ կնոջ մոտ անցանկալի հղիությունը, բայց, չգիտես ինչու, սեքսի «գիտակները» հաճախ լուրջ չեն վերաբերվում այս ամենին: Հաշվի առնելով թվարկվածները, տղամարդիկ անտեսում են նաեւ այն, որ պահպանակը 100 տոկոսով չի երաշխավորում սեռական առողջության անվտանգությունը, քանի որ այն կարող է լինել անորակ… Չնայած գնալով մեծանում են պահպանակների տեսակները, բայց սեքսի «գիտակները» դեռեւս շարունակում են անտեսել պահպանակների մասին կիրառվող նորմերը, պահելով դրանք դրամապանակներում, ավտոմեքենաների «բարդաչոկներում», հնացնում, մաշեցնում, նոր օգտագործում:
Լիկա ԳԼԱՄՈՒՌՅԱՆ
