Աշխատանքային այցով Լոնդոնում գտնվող Ադրբեջանի նախագահ Իլհամ Ալիեւը այսօր հանդիպել է Մեծ Բրիտանիայի վարչապետ Դեյվիդ Քեմերոնի հետ։
Ադրբեջանական լրատվամիջոցների փոխանցմամբ` հանդիպման մասնակիցները ընդգծել են երկու երկրների հարաբերությունների բարձր մակարդակը, նշել, որ Միացյալ Թագավորության եւ Ադրբեջանի միջեւ առկա է հաջող համագործակցություն մի շարք ոլորտներում, այդ թվում` էներգետիկ բնագավառում։
Քննարկվել են նաեւ միջազգային եւ տարածաշրջանային խնդիրներ։
«Ազատություն» ռադիոկայան
