Ինչպես արդեն տեղեկացրել ենք, Հայաստանի կառավարության ֆինանսավորմամբ իրականացված սոցիոլոգիական հարցումների արդյունքում Հայաստանում ամեն ինչից գոհ քաղաքացիներն ավելացել են:
« Քանի որ շատ լավ է մարդկանց վիճակը, մարդկանց հոգեկան համակարգը չի դիմանում նման երջանկությանը, դրա համար ուզում են գնալ Հայաստանից»,- սոցիոլոգիական հարցումների արդյունքներին այսպես հեգնական արձագանքեց կառավարման փորձագետ Հարություն Մեսրոպյանը: Ըստ նրա.«Սոցիոլգիայի մեջ այնպիսի մեթոդաբանություն կա, որ կարող ես այնպիսի սխեմա վերցնել, որ պատասխանը կստանաս այն, ինչ ուզում ես ստանալ: Եթե փոփոխություններ են լինում, մարդն իր աչքով տեսնում է, հետեւապես, եթե չենք զգում նման բաներ, ուրեմն նման թվերն իրականությանը չեն համապատասխանում»:
Հարցումների արդյունքները, թե դատական համակարգից գոհ քաղաքացիներն ավելացել են 11 տոկոսով, իսկ մարդու իրավունքների պաշտպանությունից գոհ եղողները` 9 տոկոսով, պարոն Մեսրոպյանը մեկնաբանեց.«Տասնյակ տոկոսների թվերը չի կարելի չնկատել, իսկ չի կարող պատահել, որ դուք ունենաք տասնյակ տոկոսների թվեր ու չնկատեք ամբողջ կյանքը: Երկար տարիներ դասավանդում եմ ու միշտ տարբեր տարիների երիտասարդներից հարցնում եմ՝ ովքեր են իրենց ապագան տեսնում Հայաստանից դուրս: 30-40 տոկոսից ոչ պակաս երիտասարնդերից լսել եմ ցանկություն գնալ Հայաստանից: Եվ հիմնական պատճառները մի քանիսն են. առաջինը՝ զգում են, որ իրենք պաշտպանված չեն արդարության ու այլ տեսանկյուններից, եւ երկրորդ՝ վստահ չեն, որ կարող են կայուն զարգանալ»:
Արփինե ՍԻՄՈՆՅԱՆ
Կարդացեք նաև
