Օգոստոսի 6-ին, ժամը 11.00-ին, ոստիկանության Արտաշատի բաժնի ծառայողները Աշտարակ քաղաքի Բակունցի փողոցից բերման են ենթարկել 1975 թ. ծնված Գառնիկ Հովհաննիսյանին, որը օգոստոսի 3-ից հետախուզվում էր գողության մեղադրանքով:***
Օգոստոսի 6-ին, ժամը 09.30-ին, ոստիկանության Վանաձորի բաժնի ծառայողները Վանաձոր քաղաքի իրենց բնակարանից բերման են ենթարկել 1974 թ. ծնված Արեն Բաղդասարյանին, որը ս/թ ապրիլի 14-ից հետախուզվում էր ՀՀ քրեական օրենսգրքի 268 հոդվածի 1-ին մասի մեղադրանքով` առանց իրացնելու նպատակի զգալի չափերով թմրամիջոցներ կամ հոգեմետ նյութեր ապօրինի պատրաստելը, վերամշակելը, ձեռք բերելը, պահելը, փոխադրելը կամ առաքելը:
***
Օգոստոսի 6-ին, ժամը 12.05-ին, ոստիկանության Ամասիայի բաժնի ծառայողները Գյումրի քաղաքից բերման են ենթարկել 1962 թ. ծնված Արամ Թորոսյանին, որը ս/թ օգոստոսի 3-ից ոստիկանության Գյումրիի բաժնի կողմից հետախուզվում էր դիտավորությամբ առողջությանը ծանր վնաս պատճառելու մեղադրանքով:
***
Օգոստոսի 7-ին, ժամը 02.00-ին, ոստիկանության Նոյեմբերյանի բաժնի ծառայողները Բագրատաշենի մաքսատան հարակից տարածքից բերման են ենթարկել 1982 թ. ծնված Մանվել Սահակյանին, որը ս/թ օգոստոսի 2-ից ոստիկանության Մալաթիայի բաժնի կողմից հետախուզվում էր դիտավորությամբ առողջությանը ծանր վնաս պատճառելու մեղադրանքով:
ՀՀ ոստիկանություն
