Սիրիացի ապստամբների խումբը, որը ստանձնել է 48 իրանցիներին առեւանգելու պատասխանատվությունը, հայտարարել է, որ պատանդներից երեքը սպանվել են սիրիական կառավարական զորքերի հետ փոխհրաձգության հետեւանքով:
Սիրիական ազատ բանակի ներկայացուցիչը սպառնացել է սպանել նաեւ մյուս պատանդներին, եթե փոխհրաձգությունը կառավարական զորքերի հետ շարունակվի:
Իրանի իշխանությունների հաղորդմամբ` պատանդառված իրանցիները ուխտագնացներ են, ովքեր այցելում էին Դամասկոսում գտնվող շիաների սրբավայրերից մեկը:
Սիրիացի ապստամբները, սակայն, պնդում են, թե պատանդ վերցված իրանցիները Իրանի հեղափոխության պահապաններից են եւ Սիրիա են այցելել հետախուզական նպատակներով:
Կարդացեք նաև
«Ազատություն» ռադիոկայան
