Այսօր «Արմատ» ակումբում պատմական գիտությունների պրոֆեսոր, Սփյուռքի պատմության մասնագետ և Սփյուռքի գծով փորձագետ Պետրոս Հովհաննիսյանը խոսեց սիրիահայ համայնքի, սփյուռք գաղափարի և հայկական համայնքների մասին: Ըստ փորձագետի՝ Սփյուռք չէր լինի, եթե չլիներ ցեղասպանություն, ջարդ և կոտորած: Նրա ձեւակերպմամբ՝ Սփյուռքում հայությունը պահպանում է իր ազգային դիմագիծը:
«Այսօր կայացած հայկական համայնքներ ունեն Լիբանանը, Եգիպտոսը, Պարսկաստանը, Սիրիան: Սիրիայի հայկական համայնքը աշխարհի ամենահներից է, այնտեղ հայերը ընդունված ու սիրված են, նրանք մեկ մարելով ու թուլանալով, մեկ ժայթքելով ու ծաղկելով առաջ են գնում»,-կարծում է մասնագետը:
Նա փաստեց, որ հայության պահպանման և նրանց մեջքի ուղղման գործում մեծ դեր են ունեցել արաբները: Aravot.am-ի հարցին, թե արդյոք սիրիահայերը կցանկանա՞ն վերադառնալ հայրենիք, փորձագետը պատասխանեց. «Հայերը Սիրիայում լավագույն քաղաքացիներ եղան, սակայն Սիրիայի հայաթափում տեղի չի ունենա: Հալեպը թողնել անհնար է, դա երանելի քաղաք է: Մյուս կողմից էլ՝ մենք պատրաստ չենք սիրիահայերին աշխատատեղեր տրամադրել, նրանք հիանալի աշխատողներ են, բարձր վարձատրվող, միայն տուն կանչելով չէ:Պետք է ուժեղացնել Հայաստանը հիմնականում տնտեսապես, բավական է մնանք ուզողների կամ մուրացիկի դերում»::
Կարդացեք նաև
Անժելա ՇԱՀՈՒՄՅԱՆ
