ՖՈՏՈԼՈՒՐ
Այսօր սոցիոլոգ Ահարոն Ադիբեկյանն ու «Իրավաբանների եւ հոգեբանների միջազգային ասոցիացիայի» նախագահ Խաչատուր Մարոզյանը խոսեցին Հայաստանում գործող հկ-ների մասին: Ըստ Ադիբեկյանի՝ «Հայսատանում շատ քիչ կազմակերպություններ են, որոնք կարողանում են իրենք իրենց միջոցներով գոյատեւել: Այս առումով մեր օրենսդրություն աշխարհում ամենավատն է: Պետք է դիմենք կառավարությանը, որ փոխի օրենսդրությունը, որ մասնավոր հատվածը կարողանա ֆինասավորել, որովհետեւ երկրի ամբողջ հարստությունը նրա ձեռքերում է»:
Մարոզյանն էլ նշեց, որ ՀՀ-ում այն կազմակերպությունները, որոնք գործում են, իրականում հերոսություն են անում. «Սակավաթիվ հկ-ներ են այսօր գործում ու պահպանում իրենց դիմագիծը: Այդ պատճառով էլ առաջարկում ենք կատարել օրենսդրական լուրջ փոփոխություններ: Օրինակ, Ռուսաստանում հկ-ներն ունեն մի շարք արտոնություններ, օրենսդրությունն էլ լավն է՝ ի տարբերություն Հայաստանի»,-ասաց Մարոզյանը՝ հավելելով, որ հկ-ները պետք ազատ լինեն, ծառայեն հանրությանը եւ պահանջեն կառավարությունից:
Մարոզյանի համոզմամբ՝ «Եթե ՀՀ-ում չունենք ակտիվ հասարակական օղակներ կամ դրանք կայացած չեն, միակ ելքը դա միավորումն է, որպեսզի նպատակային փոփոխություններ արվեն»:
Եվա ՀԱԿՈԲՅԱՆ
Կարդացեք նաև
