ԱՄՆ - ՄԱԿ-ի Գլխավոր ասամբլեայի՝ Սիրիայի հարցով նիստը, Նյու Յորք, 3-ը օգոստոսի, 2012թ.
ՄԱԿ-ի Գլխավոր ասամբլեայի՝ ուրբաթ օրը կայացած նիստում Հայաստանը ձեռնպահ է քվեարկել Սիրիայի հարցով բանաձեւին։ Այդ մասին «Ազատություն» ռադիոկայանին հայտնեց արտգործնախարարության մամուլի քարտուղար Տիգրան Բալայանը։
Ձայների 133 կողմ, 12 դեմ եւ 31 հարաբերակցությամբ ընդունված բանաձեւով ՄԱԿ-ի Գլխավոր ասամբլեան դատապարտում է Սիրիայի կառավարությանը եւ պահանջում քաղաքական իշխանության փոփոխություն այդ երկրում, անցում «ժողովրդավարական, բազմակարծիք քաղաքական համակարգի»։
Reuters լրատվական գործակալության փոխանցմամբ՝ Սաուդյան Արաբիայի կողմից մշակված բանաձեւը նաեւ ափսոսանք է հայտնում այն կապակցությամբ, որ ՄԱԿ-ի Անվտանգության խորհրդին չի հաջողվում համաձայնության գալ «Սիրիայի իշխանությունների կողմից իր որոշումների կատարումն ապահովելու միջոցների շուրջ»։
ՄԱԿ-ի Գլխավոր ասամբլեայի բանաձեւը պարտադրող ուժ չունի։
Կարդացեք նաև
Այս տարվա փետրվարին Սիրիայի հարցով ՄԱԿ-ի Գլխավոր ասամբլեայիբանաձեւը, որում այդ երկրի նախագահ Բաշար ալ-Ասադի հրաժարականի կոչ էր արվում, ընդունվել էր ձայների 137 կողմ, 12 դեմ եւ 17 ձեռնպահ հարաբերակցությամբ։ Փետրվարին եւս Հայաստանը ձեռնպահ քվեարկած պետություններից էր, որոնց թիվը անցած ամիսներին աճել է 14-ով։
