Այսօր ՀՀ ոստիկանության քննչական գլխավոր վարչության ՀԿԳ ավագ քննիչ Ա.Հովհաննիսյանը որոշում կայացրեց «Կրեդիտ Լայն» ՍՊ ընկերության հիմնադիր տնօրեն Քրիստինե Պետրոսյանին որպես մեղադրյալ ներգրավելու մասին:
Քրիստինե Պետրոսյանը 8 ամիս է, ինչ կալանավորված է եւ պահվում է արդարադատության նախարարության «Աբովյան» ՔԿՀ-ում: Նա աշխատել է, որպես «Վաղարշ եւ որդիներ» ՍՊ ընկերության տարածքից վարձակալած տարածքում գրավատան գործունեություն իրականացնող «Կրեդիտ Լայն» ՍՊԸ տնօրեն, միաժամանակ, Մաշտոցի փողոցում գտնվող «Ֆրեշ» ՍՊԸ-ում՝ տարադրամի փոխանակման գործունեություն իրականացնող:
Նա մեղադրվում է խարդախությամբ առանձնապես խոշոր չափի գումարներ հափշտակելու համար: Քրիստինեի մայրը՝ Անահիտ Հակոբյանը դիմել է ՀՀ նախագահին, եւ հայտնել, թե իր աղջկա նկատմամբ հետապնդումը սկսվել է նախկին ոստիկանապետ Ալիկ Սարգսյանի սանիկի մի հայտարարությունից, թե իր աղջիկը «ահաբեկել է» նրան:
Կալանավորվածի մոր նամակը կարդացեք վաղվա «Առավոտ» թերթում
