«Մոսկվա» կինոթատրոնի դրամարկղից 2010թ. հունվարին կատարված գողության մեջ մեղադրվող Ստեփան Հովակիմյանի դեմ հարուցվել է քրեական նոր գործ՝ իշխանության ներկայացուցչի դեմ ոտնձգություն կատարելու հատկանիշներով:
Օրեր առաջ տեղի ունեցած դատական նիստի ժամանակ Ստեփան Հովակիմյանը իրեն ինքնավնասելուց հետո, ուղեկցողներին չենթարկվելով՝ հարվածել էր նաեւ Երեւան քաղաքի ավագ դատախազ Սամվել Հարությունյանին:
Դա նշանակում է, որ որ օգոստոսի 14-ին «Մոսկվա» կինոթատրոնի գողության գործով նշանակված դատական նիստին ինքնաբացարկ կհայտնվի դատախազին, քանի որ նա Ստեփանի գործով տուժող է ճանաչվել:
Կարդացեք նաև
Հիշեցնենք, որ գողության գործով ապացույցների հետազոտման փուլն ավարտվելու ժամանակ, նույն գործով մեղադրյալ Վահրամ Քերոբյանի պաշտպանական կողմը հանդես եկավ միջնորդությամբ, վերսկսվեց դատաքննությունը, դատակոչվեց Վահրամի մայրը, որն հայտնեց, որ կինոթատրոնի դրամարկղի բանալիներն իր որդին տվել է Ստեփանին եւ հրաժարվել գողությունը կատարել: Դա փոխեց դատաքննության ընթացքը:
2,5 տարի կալանքից հետո փոխվեց Վահրամի խափանման միջոցը:
Մեր տեղեկություներով Ստեփանի հայրը՝ Բենիամին Հովակիմյանը հաջորդ օրն իսկ հանրապետությունից դուրս է եկել, եւ Ստեփանի հետ կապված որեւէ մանրամասն այդ իսկ պատճառով մեզ ճշտել դեռ չի հաջողվել:
