Այս պահին ոստիկանության առջեւ «Պատժել «Հարսնաքարի» բոլոր մեղավորներին» նախաձեռնության անդամները բողոքի ակցիա են անցկացնում: Նրանց խոսքերով՝ ոստիկանությունը խոչընդոտում է Վահե Ավետյանի մահվան գործով փաստաբանների աշխատանքը, չտրամադրելով նախաքննության նյութերը:
Փաստաբան Լուսինե Հակոբյանը պնդում է, որ ոստիկանությունից նախաքննության նյութերին ծանոթանալու ծանուցումը ստացել է երեկ երեկոյան, մինչդեռ ոստիկանությունը պնդում է, որ ուղարկել է հուլիսի 27-ին: Նախաձեռնության ակտիվիստ Զարուհի Հովհաննիսյանն էլ ասաց, որ ոստիկանությունը ծանուցումը ուղարկել է երեկ, երբ տեղեկացել է, որ իրենք ակցիա են անցկացնելու՝ փաստաբանների աշխատանքը խոչնդոտելու համար: Քիչ առաջ փաստաբան Լուսինե Հակոբյանը հրավիրվեց ոստիկանություն՝ անձամբ ծանոթանալու նյութերին:
Բողոքի ակցիան այս պահին էլ շարունակվում է, ակտիվիստները հայտարարում են, որ իրենք չեն թողնելու, որպեսզի գործի մանրամասները կոծկվեն:
Կարդացեք նաև
Նախաձեռնության անդամ Դավիթ Սանասարյանն էլ քիչ առաջ ասաց, որ գործով կարեւոր մանրամասներ փոփոխվել են: Նրա խոսքերով՝ գործում վերաորակվել են որոշակի հոդվածներ, որտեղ նշվել է Վահե Ավետյանին անզգուշությամբ մահվան հասցնելու կետը:
Արփինե ՍԻՄՈՆՅԱՆ
Մանրամասները՝ առաջիկայում:
