Մի քանի ժամ առաջ համացանցում Ս.Դ.Հ.Կ. մամլո դիվանի անունից տարածված հայտարարության կապակցությամբ, որ տեղադրվել է Lragir.am-ում, մեր կայքին պարզաբանում է տվել Հայ ազգային կոնգրեսի անդամ Լյուդմիլա Սարգսյանը, ով հայտարարել է, որ տարածված հայտարարությունը կեղծ է եւ Ս.Դ.Հ.Կ. ատենապետն ինքն է եւ կուսակցությունը ղեկավարում է իր գլխավորած վարչությունը:
Լյուդմիլա Սարգսյանը նշել է, որ տարածված հայտարարությունը կեղծ է, քանի որ Ս.Դ.Հ.Կ. գործը գտնվում է դատարանում եւ ընդամենը տեղի է ունեցել մեկ նիստ, իսկ երկրորդ կայանալու է օգոստոսի 24-ին:
Լյուդմիլա Սարգսյանի խոսքով, ժամանակին Գեւորգ Պերկուպեկյանի անունով կեղծ փաստաթղթեր են ներկայացվել եւ կուսակցություն գրանցվել պետռեգիստրում, ինչն էլ իրենք վիճարկում են դատարանում: Լյուդմիլա Սարգսյանը նշել է, որ քանի դեռ գործը դատարանում է եւ չկա դատարանի որոշում, ապա ինքն ամենայն պատասխանատվությամբ հայտարարում է, որ այդ պարագայում Գեւորգ Պերկուպեկյանի անունից տարածվող հայտարարությունները կեղծ են:
Լյուդմիլա Սարգսյանը նաեւ համոզվածություն է հայտնել, որ դատարանում իրենք շահելու են գործը:
