Մոտ 2 ամիս առաջ «Արմավիա» ավիաընկերությանը պատկանող ինքնաթիռներից մեկը պարտքերի պատճառով պատանդ էր մնացել Չեխիայում: «Արմավիայի» ինքնաթիռը Չեխիա էր տարվել վերանորոգման համար, սակայն վերանորոգման պահին անգարում հրդեհ էր բռնկվել, որից տուժել էր նաեւ մեր ինքնաթիռը:
Չեխիայի ավիացիայի պատասխանատուները հայկական կողմից պահանջել են նաեւ
վառված ինքնաթիռի վերանորոգման ծախսերը եւս վճարել, որը կազմել էր 800 հազար դոլար լրացուցիչ գումար: Սակայն «Արմավիան» հրաժարվել էր` պատճառաբանելով, որ հրդեհը չեխական կողմի պատճառով է եղել եւ որ իրենք չեն պատրաստվում այդ ծախսերը հոգալ: Արդյունքում չեխական կողմը թույլ չէր տալիս ինքնաթիռին վերադառնալ Հայաստան:
Քիչ առաջ Aravot.am-ը «Արմավիա»-ից տեղեկացավ, որ Չեխիայում պատանդ մնացած ինքնաթիռը վերադարձել է Հայաստան եւ արդեն թռիչքներ է իրականացնում: Բայց, թե ընկերությունը վճարել է պահանջված 800 հազար դոլարը թե ոչ` ընկերությունից ասացին, որ այս հարցին ավելի ուշ կպատասխանեն:
Կարդացեք նաև
Լուսինե ԲՈՒԴԱՂՅԱՆ
