Սյունիքի մարզի խոշոր հարկատուները
Սյունիքի մարզի հանքարդյունաբերական երեք ընկերություններն այս տարվա հունվար-հունիս ամիսների 1000 խոշոր հարկատուների ցանկի առաջատար հորիզոնականներում են գտնվում: Ամենախոշոր հարկ վճարած ընկերությունը Քաջարան քաղաքում գործող Զանգեզուրի պղնձամոլիբդենային կոմբինատն է (ԶՊՄԿ), որը հանրապետության 2-րդ խոշոր հարկատուն է եւ զիջում է միայն «ՀայՌուսգազարդին»:
Պետեկամուտների կոմիտեի հրապարակած տվյալներով` ԶՊՄԿ-ն վճարել է ընդհանուր 11 միլիարդ 340 միլիոն 35 հազար 6 հարյուր դրամ:
Կարդացեք նաև
Հաջորդ խոշոր հարկատուն, մարզի հանքարդյունաբերական ընկերություններից, Կապանի «Դինո գոլդ մայնինգ քամփնի» ՓԲ ընկերությունն է որը զբաղեցնում է հանրապետության խոշոր հարկատուների 9-րդ հորիզոնականը եւ վճարել է 3 միլիարդ 863 միլիոն 328 հազար 6 հարյուր դրամ հարկ:
Գործընկեր կազմակերպություններին բավականին զիջում է Ագարակի պղնձամոլիբդենային կոմբինատը, որը գտնվում է խոշոր հարկատուների ցանկի 27-րդ հորիզոնականում: 2012թ. Ֆինանսական տարվա սկզբից, հունվար-հունիս ամիսներին, պետբյուջե վճարած հարկը կազմում է 1 մլրդ 376 մլն 18 հազար երեք հարյուր դրամ:
Հանքարդյունաբերական այս կառույցները հանդիսանում են մարզի տվյալ քաղաքների բնակչությանը աշխատատեղերով ապահովող հիմնական կազմակերպությունները:
Մերի ՍՈՂՈՄՈՆՅԱՆ
