Ֆերմերներն ահազանգում են, որ Հայաստանում տարածվել է կարտոֆիլի ցեցը: Ըստ նրանց՝ իրավիճակը չափազանց սրված է: Ֆերմեր Վարուժան Խոդոդանյանն այս կապակցությամբ այսօր «Հայելի» ակումբում նշեց. «Դեռ անցյալ տարի ահազանգել ենք գյուղնախարարություն: Սակայն ոչ մի քայլ չի ձեռնարկվել, քանի որ գյուղնախարարությունն այսօր ամենաանշնորհակալ կազմակերպությունն է: Ու կարող եմ ասել, որ այդ նախարարությունը պետք էլ չէ Հայաստանի տիպի երկրների համար: Նրանք իրենց աթոռի համար են միայն մտածում, իրեն աթոռը գրկել են ու նստել»:
Ֆերմերները տեղեկացրին, որ ցեցը Թուրքիայից է եկել Հայաստան: Այն հիմնականում տարածված է Արարատյան դաշտավայրում, ինչի պատճառով գյուղացիներն արդեն հսկայական վնասներ են կրել, մասնավորապես մեկ հեկտարի մեջ մեկ միլիոն դրամ են կորցնում: Ֆերմերները կես կատակ կես լուրջ և մտահոգությամբ նշեցին, որ սեպտեմբերին ոչ թե գյուղացիները, այլ ցեցն է կարտոֆիլն իրացնելու: Եվ նման անտարբերության դեպքում ոչ միայն կարտոֆիլը, այլև՝ պոմիդորն ու կաղամբը:
Դառնալով կարտոֆիլի արտահանման հարցերին ֆերմերները նշեցին, որ Թուրքիան և Վրաստանը պայմանավորվածություն ունեն և Հայաստանին թույլ չեն տալիս մուտք գործել վրացական շուկա, դա էլ է մաֆիայի ձեռքին:
Կարդացեք նաև
Տաթև ՀԱՐՈՒԹՅՈՒՆՅԱՆ
