Հատված Վանո Սիրադեղյանի կնոջ՝ Խնկո Ապոր անվան գրադարանի տնօրեն Ռուզան Տոնոյանի հարցազրույցից:
– Վերջերս Վանո Սիրադեղյանի անվան շուրջ ակտիվություն է սկսվել։ Ձեր կարծիքը հետաքրքիր է։ Ինչպե՞ս եք վերաբերվում Վանո Սիրադեղյանի վերադարձի շուրջ ստորագրահավաքին, այն բանին, որ հանկարծ բոլորը նորից սկսեցին խոսել Վանոյի մասին։
– Չգիտեմ ինչ ասեմ։ Երբ որ նա այստեղ էր, ցեխ էին շպրտում, հիմա էլ որ չկա, աղմկում են, ուզում են, որ գա։ Դե, երեւի պետք է մարդկանց, որ չեն մոռանում։ Չեմ ուզում այս թեմայով ոչինչ խոսել։
– Երկու տարի է՝ Վանոն լուռ է։ Առաջ գոնե հոդվածներ էր գրում։ Ինչո՞ւ հիմա չի խոսում։
Կարդացեք նաև
– Ի՞նչ իմաստ ունի, որ խոսի։ Ի՞նչ ասի։ Ինչ որ պետք էր, նա արդեն ասել է։
– Նույնիսկ խոսակցություն եղավ, որ գնում է իրենց գյուղ, Երեւան է գալիս։ Իհարկե, մենք հասկանում ենք, որ սրանք լեգենդներ են։ Բայց մենք ինֆորմացիա ունենք, որ նա ողջ չէ հիմա, որ ամիսներ առաջ մահացել
է։ Սա ճի՞շտ է։
– Չկա նման բան։ Գիտեք, ես չեմ ուզում որեւէ բան մեկնաբանել։ Հարմար չեմ գտնում, չեմ ուզում այս թեմայով խոսել։ Ինչ ուզում են՝ թող խոսեն մարդիկ։
«Հրապարակ»
