Օգոստոսի 3-ին, ժամը 9.30-ին, Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արշակ Վարդանյանի նախագահությամբ կսկսվի «Ղարաբաղ» կոմիտեի նախկին անդամ Սամսոն Ղազարյանի դեմ հարուցված քրեական գործով անդրանիկ դատական նիստը: Տուժողն է Գերագույն խորհրդի նախկին պատգամավոր Մեխակ Գաբրիելյանը:
Սամսոն Ղազարյանը մեղադրվում է ՀՀ կենտրոնական բանկի կողմից սահմանված տոկոսադրույքի կրկնապատիկը գերազանցող չափով «չհաշվառված եկամուտ ստանալու դիտավորությամբ» Մեխակ Գաբրիելյանին 120 հազար ԱՄՆ դոլարին համարժեք գումար տալու եւ հավելավճար ստանալու համար (190.725 ԱՄՆ դոլարին համարժեք գումար):
Կարդացեք նաև
Ներկայումս տաքսու վարորդ աշխատող Սամսոն Ղազարյանի պաշտպանն է ՀՀ փաստաբանների պալատի անդամ Ստեփան Ոսկանյանը: Նշենք, որ այս գործով անցնում են վկաներ, որոնք բարձր դիրքեր են զբաղեցրել հասարակական-քաղաքական վերնաշերտում:
