Լոնդոնում Հայաստանի օլիմպիական ոսկու գլխավոր հավակնորդներից մեկը՝ 69 կգ քաշային ծանրորդ Առաքել Միրզոյանը, անսպասելիորեն տապալվեց ու այն էլ ինչպե՛ս:
Օլիմպիական չեմպիոն Հոկսեն Միրզոյանի որդին պոկում վարժությունում միայն երկրորդ մոտեցումով բարձրացրեց 148 կգ ծանրաձողը, իսկ երրորդում ձախողեց 151 կիլոգրամանոց մոտեցումը: Թվում էր, թե Եվրոպայի նախկին չեմպիոնն ամեն բան կանի հրում վարժությունում կորցրածը ետ բերելու համար, սակայն, սկսելով 177 կիլոգրամից, նա երկու անգամ չկարողացավ այն բարձրացնել ու պատվիրելով նոր քաշ՝ 181 կգ, երրորդ անգամ անհաջողության մատնվեց՝ զրո ստանալով:
Եղածն արդեն եղած է ու ոչինչ փոխել հնարավոր չէ: Մնում է հուսալ, որ այսօր հայ մարզասերներին կուրախացնի 69 կգ քաշային Մելինե Դալուզյանը:
Աշոտ ՀԱԿՈԲՅԱՆ
