Ծոմակ Օգանեզովան օրերս գնաց Հայաստանից, վիրավորված ինքնասիրությամբ, ոտնահարված իրավունքների ու անհանդուրժողականության պատճառով. այս եզրակացությանը կարելի է գալ Facebook-ում նրա գրառումներից» ու բազմիցս հնչեցրած հայտարարություններից: Ծոմակն արտերկրում տեղավորվելուն պես՝
Facebook-ի իր «պատին» գրառել էր. «Աչքալուսանք. վերջապես այդ քաքոտ երկրից հեռացա: Ուռաաաաաաա: Ցանկանում եմ նույնը բոլոր խելացի, ոչ չափալաղ ուտողներին»:
Որ երկրում ես տեղավորվել հարցին՝ Օգանեզովան պատասխանել է. «Այնտեղ, որտեղ կարող ես գեյ զույգեր տեսնել փողոցներում, իրենց բալիկների հետ, այնտեղ` որտեղ փողոցում իրավունք չունես որեւէ մեկի վրա գոռալ կամ ծեծել, այնտեղ՝ որտեղ մարդու իրավունքներն ավելի վեհ են, քան ինչ որ այլ բան, այնտեղ՝ որտեղ իսկապես ազատ ես եւ քո ազատությունը ոչ մեկին չի խանգարում, եւ վերջապես այնտեղ՝ որտեղ հայեր չկան: I like it… »:
Օգանեզովայի գրառումը որոշ մարդկանց կողմից հավանության արժանացավ, մեկնաբանվեց տարբեր կերպ, իսկ նրան աջակցող հայտնի մարդկանց մի մասն էլ խորը հիասթափություն ապրեց:
Կարդացեք նաև
Aravot.am-ը զրուցեց «DIY փաբի» դեպքի առիթով Օգանեզովայի կողքին կանգնած, նրան աջակցող «Հանրային տեղեկատվություն եւ գիտելիքի կարիք» (PINKArmenia) հ/կ նախագահ Մամիկոն Հովսեփյանի հետ: Մեկնաբանելով Օգանեզովայի գրածը, Հովսեփյանն ասաց, որ իրականում ինքն այդքան էլ Ծոմակի կողքին չի եղել. «Երբ այդ դեպքերը եղան, փորձեցինք իրավական աջակցություն ցուցաբերել: Ինչ վերաբերում է «ստատուսին», ապա, ասեմ, երբ տեսա՝ ահավոր կատաղեցի: Իր կողմից ազգին քաքոտ, հիվանդ հանելը, բոլորին հավասարեցնելը, մեղմ ասած, սխալ է: Ես անխոս զայրացած եմ ու այնքան շատ, որ նույնիսկ այդ ամենի մասին իրեն չգրեցի, ընկերներին ասացի: Անկախ ամեն ինչից՝ մարդն ինձ շատ մտերիմ է, թե ոչ, երբ նման ձեւով է արտահայտվում, չեմ ընդունում: Դա սխալ է: Ես շատ կատաղած եմ:
Երբ անձը չի գիտակցում իր քայլերը, լավ չէ: Բացի այդ, հեշտ է Հայաստանից հեռու գտնվել ու մեծ-մեծ խոսել: Չնայած՝ նույնիսկ այստեղ գտնվելով՝ իրավունք չունես մեկ գծով չափել բոլորին: Անձամբ ինձ համար հայը լիարժեք է ու ոչ մեկն իրավունք չունի այդ կերպ արտահայտվել»:
Եվա ՀԱԿՈԲՅԱՆ
