«Տնտեսական ապրանքների կողքին սննդամթերք վաճառելը ընդհանրապես արգելվում է»,- «Փաստինֆո» լրատվական գործակալության թղթակցի հարցին ի պատասխան նշեց «Սպառողի իրավունքների պաշտպանություն» ՀԿ փոխնախագահ Կարեն Չիլինգարյանը:
«Նախկինում հաճախ էին հանդիպում նման դեպքեր, երբ հացաբուլկեղենի կամ մեկ այլ սննդամթերքի կողքին վաճառում էին պլաստմասե տարաներ կամ քիմիական բաղադրություն ունեցող ապրանքներ ( լվացքի պարագաներ): Այսօր թեև նվազել են այդպիսի դեպքերը, բայց եթե կա նույնիսկ մեկ դեպք, դա արդեն իրավախախտում է»,- հավելեց նա:
Իսկ ի՞նչ պետք է անի սպառողը տեսնելով նման իրավախախտումը:
«Այդպիսի իրավախախտման ականատես լինելու դեպքում պետք է դիմել գյուղատնտեսության նախարարության սննդի անվտանգության ծառայությանը՝ 010-45-74-21 հեռախոսահամարով»,- խորհուրդ տվեց Կարեն Չիլինգարյանը:
