2007 թվականին կառավարությունը դիտավորյալ է ընդունել որոշում Խոսրովի արգելոցից 118 հեկտար տարածք առանձնացնելու և Գիլան պետական արգելավայրը հիմնելու մասին, որպեսզի հնարավոր լինի այդտեղ «Հովազաձոր» մեծ սրճարանային համալիր կառուցել: Այս մասին Epress.am-ի հետ զրույցում հայտնել է բնապահպան իրավաբան Մերի Խաչատրյանը` նկատելով, որ նման որոշում կայացնելու համար որևէ այլ հիմք չի եղել: Նշենք, որ արգելանոցի ռեժիմը վայրի բնության պահպանման ավելի խիստ ռեժիմ է և թույլ չի տալիս ճանապարհների, ենթակառուցվածքների, շահույթ հետապնդող օբյեկտերի կառուցում:
Որոշումը բնապահպանների ճնշման տակ չեղյալ էր համարվել անցյալ տարվա հունիսին, սակայն մեկ տարվա ընթացքում ռեստորանային համալիրի մասին որևէ խոսք ոչ Կառավարությունը, ոչ Բնապահպանության նախարարությունը չի ասել:
Կիրակի բնապահպան ակտիվիստներն այցելել են արգելոց և բողոքի ակցիա անցկացրել: Երեկ նրանց հետ հանդիպում է ունեցել Բնապահպանության նախարար Արամ Հարությունյանը: Նա հայտնել է, որ Խոսրովի արգելոցով զբաղվող աշխատանքային խումբը եկել է եզրակացության, որ «Հովազաձորը» հնարավոր չէ ապամոնտաժել, քանի որ ՍՊԸ-ն համաձայն չէ. պետք է դիմել դատարան:
Մերի Խաչատրյանն ասել է, որ իրենք խնդրել են այդ աշխատանքային խմբի ուսումանսիրություններն իրենց տրմադրել, քանի որ, գուցե, բնապահպանները կարող են օգնել, որ սրճարանը ապամոնտաժվի առանց դատարանի միջամտության:
Կարդացեք նաև
Լուսանկարը՝ ecolur.org-ի
