Հայաստանցի ձյուդոիստ, մինչեւ 60 կգ քաշային Հովհաննես Դավթյանը Լոնդոնի օլիմպիական խաղերում գերազանց մեկնարկից հետո, այնուամենայնիվ, դուրս մնաց մեդալների համար պայքարից:
Երեք տպավորիչ հաղթանակից հետո, այդ թվում նաեւ ադրբեջանցու նկատմամբ մաքուր հաղթանակով, Հովհաննեսը չորրորդում պասիվ գոտեմարտի համար երկու զգուշացում ստացավ եւ հաղթանակը շնորհվեց մրցակցին: Սակայն հայ մարզիկն արդեն սփոփիչ գոտեմարտերին մասնակցելու եւ բրոնզե մեդալի համար պայքարը շարունակելու իրավունք էր ձեռք բերել: Ավաղ, հոգնածությունն այստեղ էլ արեց իր սեւ գործը ֆրանսիացի Սոֆյեն Միլուի հետ գոտեմարտում: Պասիվության, ավելի ճիշտ՝ ժամանակը ձգելու համար, հայ մարզիկն այս անգամ էլ երկու զգուշացում ստացավ ու վերածվեց հանդիսականի:
Աշոտ ՀԱԿՈԲՅԱՆ
